Училиштата во Њу Делхи се затворени поради големо загадување на воздухот
Училиштата во индиската престолнина Њу Делхи не работат поради опасното ниво на загаденост на воздухот, соопштија индиските власти.
Главниот град е покриен со токсична жолтеникава магла. Според швајцарската компанија за следење на квалитетот на воздухот IQAir, нивото на ситни честички прашина РМ 2,5 – најопасните – е 35 пати поголемо од максимално дозволеното според Светската здравствена организација (СЗО).
Главниот министер на Њу Делхи Арвинд Кехривал синоќа соопшти дека сите основни училишта во главниот град ќе бидат затворени најмалку два дена.
„Поради зголеменото ниво на загадување, сите јавни и приватни основни училишта во Њу Делхи ќе останат затворени во следните два дена“, рече Кехривал.
Њу Делхи е една од најголемите градски региони во светот и редовно е рангиран меѓу најзагадените градови во светот. Токсичниот смог, поради согорувањето на земјоделските производи, индустриските емисии и автомобилскиот транспорт, се задржува во мегаполисот со 30 милиони жители.
Ново на Сител
-
Маж и жена од Македонија се заглавиле во заливот Филикури, ги спасиле полицајци
-
Дубровник под вода по силното невреме | ВИДЕО
-
Дошла кај него за да му раскине, а тој ја нападнал и се обидел да ја силува
-
Маж со пушка си го бранел насадот со пченка од диви свињи
-
Кумановка нападната од синот
-
Кривична пријава за девет лица затекнати во незаконска сеча на дрва
-
Невремето „Атена“ ќе ја зафати Грција – предупредување за опасни временски појави
-
ЦУК: Под контрола пожарот во Мариово, активни вкупно пет пожари