Нападнал вработени во итна медицинска помош и полицаец, приведен стружанец

Вчера во 13.40 часот, во Општата болница во Струга, лишен од слобода е Б.Х.(49) од струшкото село Велешта, информира МВР.

Како што појаснуваат од полицијата, тој претходно во просториите на Итната медицинска помош, го нарушил јавниот ред и мир и физички нападнал две вработени лица, а потоа и полициски службеник кој, преземал службени дејствија.

- По целосно документирање на настанот, против него ќе биде поднесена соодветна пријава, велат од МВР.