„Фолксваген“ гради уште еден погон за материјали за батерии во Европа
Германскиот автомобилски гигант „Фолксваген“ (Volkswagen) основаше заеднички погон со белгиската групација „Умикор“ (Umicore). Овие две компании вложуваат во фабрика што ќе произведува материјали за батерии за електрични возила во Европа.
Новата компанија „ИОНВЕЈ“ (IONWAY) ќе ги снабдува производителите за батериски ќелии на подружницата на „Фолксваген“ во Европа - „Пауер-ко“ (PowerCo) со евтини материјали за производство на батерии. Должноста на извршен директор му беше доверена на Томас Јансеуне, а финансиски директор е Ахим Холцер, се вели во заедничкото соопштение на „Фолксваген“ и „Умикор“. Германската фирма се надева дека новиот проект ќе ги намали трошоците за електрични возила.
Се очекува новата компанија со седиште во Брисел да снабдува материјали за 2,2 милиони електрични автомобили годишно. „Фолксваген“ и „Умикор“ го најавија проектот пред една година, а намерите до крајот на ова десетлетие да вложат вкупно три милијарди евра во овој заеднички погон.
Погоните треба да произведуваат батерии за електромобили на „Фолксваген“ од категоријата со најниски цени. Според ова, вакво возило би требало да чини под 25.000 евра и да бидат пуштени во продажба во 2026 година.
- Благодарение на посигурниот пристап, „Пауер-ко“ ќе ја снабдува групацијата со ќелии за батерии што одговараат на трошоците во период од неколку години, овозможувајќи им на своите брендови да им понудат на купувачите атрактивни, достапни електрични возила. Во соработка со нашиот доверлив партнер „Умикор“, ќе обезбедиме внатрешно снабдување со клучни материјали за производство на ќелии по разумни цени, изјави извршниот директор на одделот за батерии на „Пауер-ко“, Франк Блом.
„Фолксваген“ планира шест фабрики за батериски ќелии во Европа до 2030 година. Во таа смисла, се гради и фабрика во Салцгитер, Германија, како и близу Валенсија, Шпанија.
Ново на Сител
-
Аврамовска Мадиќ: Излезноста на внатрепартиските избори за претседател на СДСМ 54 отсто
-
Деспотовски најави приговори за изборите за претседател на СДСМ
-
За ниедни пари не би пеела за партија | Лара Иванова | ПРОфесија | Sitel Podcast 049
-
Французите масовно гласаат во првиот круг од парламентарните избори
-
Гувернерот на Истанбул ја забрани Парадата на гордоста, го затвори центарот на градот
-
За влез во земјава на „Табановце“ се чека два часа, на останатите премини околу еден час
-
Два хеликоптера на МВР вклучени во гасењето на пожарот кај Василево
-
Најмалку 18 лица загинаа, а 30 се ранети во три напади на жени бомбаши самоубијци во Нигерија