Комерсант: Путин може многу скоро да ја објави кандидатурата за претседателските избори во 2024.
Рускиот претседател Владимир Путин наскоро може да објави дека ќе се кандидира за претседателските избори во земјата во 2024 година, што ќе му овозможи да остане на власт до 2030 година, пишува денеска весникот „Комерсант“.
Официјални лица веруваат дека Путин може во ноември да објави дека ќе учествува на изборите во март следната година, објави Комерсант, повикувајќи се на анонимни извори блиски до претседателската администрација.
Но, весникот, кој важи за еден од најпочитуваните во Русија, пишува дека има и други сценарија за тоа што Путин би можел да објави и дека конечната одлука е исклучиво негова.
На новинарско прашање за написот на Комерсант, портпаролот на Кремљ, Дмитриј Песков, одговори дека не знае ништо за тоа дека кандидатурата на Путин може да биде објавена во ноември.
-Не знам ништо за тоа дека претседателската кампања официјално е најавена за ноември. Немам такви информации и што да додадам, одговори тој.
Владимир Путин, кому Борис Елцин му го предаде претседателството на последниот ден од 1999 година, е шеф на државата подолго од кој било друг руски владетел од Сталин наваму. Тоа го надмина дури и 18-годишниот мандат на Леонид Брежњев.
Путин на 7 октомври ќе наполни 71 година. Тој минатиот месец изјави дека ќе ги објави своите планови дури откако парламентот ќе ги распише претседателските избори, а Песков минатиот месец рече дека Путин, доколку одлучи да се кандидира, нема да има конкуренција.
Ново на Сител
-
Сиљановска – Давкова: Во моментов нема поважна политика од политиката на проширувањето на ЕУ
-
Градското собрание на Лос Анџелес осветлено во боите на македонското знаме во сеќавање на жртвите од трагедијата во Кочани
-
Тешко повреден 43-годишник од Србија, со мотоцикл изгубил контрола и паднал на коловозот
-
При ископ во с.Калишта, струшко била пронајдена артилериска граната 105 мм со потекло од Првата светска војна
-
Приведени две лица од Бугарија на ГП Табановце, при гранички проверки пронајдена е дрога
-
50-годишна скопјанка пријавила дека била следена и вознемирувана на социјална мрежа од нејзиниот сосед
-
Приведен 32-годишен скопјанец, управувал возило под дејство на алкохол и предизвикал сообраќајна незгода
-
Приведен 23-годишник од Велес кој нападнал девојче и полициски службеници, предложен притвор