Сообраќајот на државните патишта се одвива непречено

Сообраќајот на патниот правец Кавадарци – Прилеп кој беше во прекин поради незгода, е нормализиран.

Поради вградување на асфалтен слој (асфалтирање) на Регионален пат Р1102, делницата Велес - Градско до 23.09.2023 г. ќе биде затворена за сообраќај во периодот од 08:00 – 18:00 часот.

Сообраќајот на државните патишта се одвива непречено, по суви коловози.

 Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

 АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Од настанатите поплави на 14.06.2023 год. во Делчево и околината оштетени се темелите на мостот на Црвена река на магистралниот пат А3 делница Македонска Каменица – Делчево. Сообраќајот на мостот се одвива наизменично, по една коловозна лента.

Почнувајќи од 08.4.2023 година, патниот правец Охрид - Ресен, преку националниот парк Галичица е отворен за сообраќај за возила со дозволена носивост до 3.5 тони.