Автомобилот доминантно превозно средство во ЕУ, Балканците најмногу летаат и пловат
Автомобилите и натаму остануваат доминантно превозно средство во сите земји на ЕУ во споредба со патувањата со возови, автобуси, авиони или бродови, покажуваат податоците на Европската статистичка агенција – Евростат, објавени по повод „Европската недела на мобилност“, што секоја година се одбележува од 16 до 22 септември и има за цел да ја подигне свеста за одржлива урбана мобилност.
Според податоците на Евростат, во 2021 година 79,7 отсто од целокупниот патнички превоз во ЕУ се вршел со автомобили, 7,3 проценти со авиони, 7,1 отсто со автобуси, трамваи или тролејбуси, 5,6 со возови и само 0,3 проценти за пловни објекти.
Во споредба со 2011 година, користењето на автомибилите како превозно средство во 2021-та бележи раст за 6,6 процентни поени од тогашниот удел од 73,1 отсто. Од друга страна користењето на јавните превозни средства, како што се возовите, автобусите, трамваите и тролејбусите, бележи намалување за 1,9 процентни поени од 9,0 на 7,1 отсто, а на возовите за еден процентен поен од 6,6 на 5,6 проценти.
Кога станува збор за уделот на воздушниот патнички превоз, тој е намален за 3,6 процентни поени од 10,9 отсто во 2011 на 7,3 проценти во 2021 година.
Гледано по земји, во 2021 година учеството на автомобилскиот во вкупниот патнички превоз било најголемо во Литванија со 91,7 отсто, пред Холандија со 85,4 и Финска со 85,2 проценти.
Автобусите, трамваите и тролејбусите имале најголемо учество во вкупниот транспорт на Малта од 13,3 отсто, пред Унгарија со 12,8 и Ирска со 12,4 проценти.
Со воз најмногу патувале Австријците, во чија земја уделот на железничкиот патнички превоз во вкупниот изнесувал 8,6 проценти, по што следат Франција со 8,3 и Холандија со 8,0 отсто.
Хрватска е убедлив шампион во учеството на воздушниот во вкупниот патнички превоз со 25,4 отсто, далеку пред Бугарија со 16,3 и Шпанија со 13,1 проценти.
Кога станува збор за пловниот превоз и тука Хрватска е водечка со удел од 2,7 проценти, пред уште една балканска земја – Грција со 1,6 и Естонија со 1,5 отсто.
Ново на Сител
-
Трамп побарал Белата куќа да истражи дали сојузниците на Бајден ги прикривале неговите наводни ментални проблеми
-
ДСЗИ: Во тек инспекциски надзори во три здравствени установи во врска со починатото тригодишно дете од Кавадарци
-
Вонреден инспекциски надзор во Болница-Кавадарци, формирана и внатрешна комисија во врска со починатото тригодишно дете
-
ЕХФ: Алкалоид е победник на Европскиот куп
-
Во Претор почна еко проект за зачувување на биолошката разновидност на Преспанско Езеро
-
Расчистен случајот кога двајца браќа беа повредени при обид да разделат лица во тепачка пред фитнес клуб во Чаир
-
Приведен 46-годишник од Гевгелија, при претрес во неговиот дом пронајдена е дрога
-
Руте: Мора да ги зголемиме одбранбените трошоци за да можеме да се браниме