Спасени од давење три македонски државјанки во Албанија

Три македонски државјанки на возраст од 48, 60 и 66 години вчера попладне се спасени од давење на плажата Голем кај Каваја, на албанското крајбрежје.

„Трите жени итно се пренесени во Регионалната болница во Драч за укажување лекарска помош. Жената на 48-годишна возраст е надвор од животна опасност, додека во потешка состојба се другите две, на 66 и 60-годишна возраст“, стои во соопштението.