Вооружен грабеж во обложувалница во Скопје

Вчера околу  20,20 часот во Скопје на ул.„Васил Ѓоргов“ во  спорската обложувалница „Спорт Лајф“,  непознат сторител маскиран со фантомка на главата и вооружен со огнено оружје пиштол извршил разбојништво при што од касата одзел 70.000 денари, а потоа со ПМВ „Форд Фокус“ со скопски регистарски ознаки, го напуштил местото на настанот.

Од страна на полициски службеници, наведеното ПМВ е пронајдено и лицата кои биле затекнати во истото се приведени во ПС„Центар“, а возилото е пренесено во кругот на БПС.

Се преземаат мерки за целосно расчистување и документирање на настанот.