Бојко Борисов бара затворање на надворешните граници на ЕУ

Бугарскиот премиер Бојко Борисов денеска изјави дека побарал од своите колеги од Европскиот совет затворање на надворешните граници на ЕУ, јави БТА.

- Сега зборувам само за војната во Сирија. А што ќе се случи во Египет, колку милиони мигранти чекаат да дојдат? Се зборува за околу пет милиони. Колку чекаат од Мароко, од Алжир, од Иран, Ирак, Авганистан. Затоа прашувам, наместо да стравуваме, зошто не ги затвориме границите и не ги прифатиме оние лица кои преминале според процедури и правила, истакна Борисов.

Тој потврди дека на 5 март ќе има нова средба на европските лидери во врска со прашањето за миграција.