Од полноќ дизелот поевтинува за еден денар
Од полноќ за еден денар поевтинува дизелот, а цените на останатите нафтени деривати остануваат исти, одлучи денеска Регулаторната комисија за енергетика.
Согласно новата одлука, дизелот ќе се продава по цена од 70 денари за литар, Еуросупер БС-95 по цена од 80 денари за литар, а Еуросупер БС-98 по цена од 82 денари за литар. Цената на Екстра лесното масло за домаќинство останува 69 денари за литар.
Малопродажната цена на мазутот се зголемува за 0,022 ден/кг и сега ќе изнесува 41,029 ден/кг.
Од РКЕ информираат дека референтните цени на нафтените деривати на светскиот пазар во споредба со претходната пресметка бележат намалување кај бензините во просек за 1,284 проценти, кај дизелот во просек за 3,191 проценти и кај Екстра лесното масло во просек за 0,202 проценти.
Курсот на денарот во однос на доларот во изминатиот период по кој беа формирани цените со претходната пресметка е повисок за 0,386 проценти.
Ново на Сител
-
Мицкоски: Одржав состанок на кој ги поставивме контурите на рамката врз која ќе го градиме коалицискиот потенцијал со останатите партии
-
Атина очекува да ги чуе позициите на новата Влада во Скопје, а потоа ќе коментира
-
Митрески го чека извештајот од ДИК и ќе закаже седница за инаугурација на Сиљановска Давкова во недела во 12 часот
-
Мазутот поевтинува, цената на бензините и дизелот не се менува
-
Вкупно 538 случаи на голема кашлица до 2 мај, регистрирани првите од Крушево
-
Белгиските и холандските медиуми за изборите: Гласачите изразија незадоволство од бавните преговори за членство со ЕУ
-
Во Шпанија луѓето живеат во просек 84 години
-
Лазаров побара голема поддршка од публиката пред реваншот со Фарски острови