Арсенал испрати и трета понуда за капитенот на Вест Хем, Деклан Рајс

Лондонскиот премиерлигаш Арсенал испрати трета понуда до градскиот ривал Вест Хем за услугите на клупскиот капитен Деклан Рајс, јави денеска телевизијата Скај.

Арсенал за услугите на 24-годишниот играч за врска понудил 122 милиони евра.

Претходните две понуди Вест Хем ги одби, а во меѓувреме лондонскиот клуб не ја прифати и понудата од 104 милиони евра од актуелниот англиски и европски првак Манчестер сити.

Според британските медиуми, цената која Вест Хем ја бара за својот капитен изнесува 160 милиони евра, но би можел да прифати и понуда од 116 милиони евра, со дополнителен играч.