Ципрас ја обвини Чешка за „непријателски чин“ на грчко-македонската граница
Грчкиот премиер Алексис Ципрас ја опиша како „непријателски чин“ одлуката на Чешка да испрати армиски и полициски персонал кој ќе помогне во чувањето на македонско-грчката граница.
Ова го пишува „Катимерини“ повикувајќи се на свои извори, прецизирајќи дека изјавата била дадена на вчерашната среба во Брисел меѓу Ципрас и чешкиот премиер Бохуслав Соботка.
Ципрас вчера во Брисел на своите колеги од ЕУ им го претстави напредокот што Грција го постигна во врска со бегалската криза, но, исто така, ги кажа и своите приговори за ставот на некои од партнерите.
По укажувањата од почетокот на оваа недела од страна на Вишеградската четворка (Чешка, Унгарија, Полска и Словачка) дека ќе ги зајакнат граничните контроли, Австрија најави дека ќе го ограничи бројот на барања за азил што ги прима на 80 на ден. Ова предизвика Ципрас да обвини за недостиг на солидарност во справување со кризата.
- Европа не може да биде правила за некои, и „a ла карт“ за други, рече тој пред почетокот на состанокот во Брисел.
На средбата со Соботка било разговарано за ставот на Прага за ова прашање.
- Ако Грција и Турција во следните неколку недели драматично не го намалат бројот на мигранти кои доаѓаат во ЕУ, тогаш разговорите за затворање на границите на Централна Европа и обезбедување на границите на Западен Балкан ќе станат нова реалност, предупредил Соботка пред состанокот .
Покрај тоа што Ципрас ја обвини Полска за „непријателскиот чин“, тој побарал од Соботка да даде време за да се видат резултатите од најновите мерки што се донесени, вклучувајќи и присуство на НАТО во Егејското Море.
Ново на Сител
-
Силно невреме ја зафати Хрватска | ВИДЕО
-
Скопјани нападнале и ограбиле маж на Камени мост
-
52 годишен скопјанец со пиштол и нож ограбил продавница, при бегање паднал и завршил во болница
-
Кривична пријава за родители од Штип - Ги заклучиле децата во автомобил и отишле во казино
-
Полицаец и германски политичар избодени со нож сред плоштад во Мајнхајм, Германија | ВИДЕО
-
Пад од 1,2 проценти на индустриското производство во април
-
Поскапени поштенските и курирските услуги
-
Хоспитализирани нови четири лица со голема кашлица, вкупно 661 случај во државава