Вучиќ: Приштина да направи отстапки за Србите да учествуваат на нови избори

Српскиот претседател Александар Вучиќ изјави дека Приштина мора да направи одредени отстапки за Србите да учествуваат на нови избори на северот на Косово. Според него, Србите на северот на Косово се секогаш подготвени за разговори, но за возврат мора да им се понуди нешто, јавија српски медиуми пренесувајќи извадоци од негово интервју за Ројтерс.

„Сите Срби на север веруваат дека Србија е нивна земја, а не Косово. Тоа е реалноста“, рече Вучиќ во интервјуто.

Тој посочи дека Заедницата на српските општини се уште не е формирана, а косовските специјалци и албанските градоначалници се уште не се повлекле.

Според него, косовскиот премиер Албин Курти не е подготвен за компромис.