Пожарите во Пељешац и Корчула се уште активни

Сите три пожари во хрватската Дубровачко-неретванска жупанија, два на Пељешац и еден на Корчула, се уште се активни, изјави денеска портпаролот на Штабот за заштита и спасување Горан Цветиновиќ. 

На Пељешац во пределот на Поникава пожарот го гаснат три канадери, а гори и во правец кон Јанина, и кон подрачјето на Смоквица на Корчула, изјави Цветиновиќ. 

Според портпаролот на Штабот за заштита и спасување на Корчула пожарот е активен во Смоквица, додека во Брно огнот стигна на стотина метри од куќите. Засега, за среќа никаде нема станбени единици во непосредна опасност од пожарот.

Поради пожарите кои не ослабнуваат во Хрватска нема повлекување на пожарникарите, а во помош пристигнуваат колеги од останатите делови на државата, со цел да се спречи ширење на огнот на Пељешац и Корчула.