Нов претрес во вилата на Жан-Мари Ле Пен

Француските истражни органи денеска извршија претрес во канцеларијата на Жан-Мари Ле Пен, што се наоѓа во неговата вила во парискиот регион, во рамкитна истрагата што се води против 20 парламентарни помошници на европратеници на екстремнодесничарскиот Национален фронт (ФН).

Според истрагата, како што јави дописникот на МИА од Париз, помошниците, кои биле плаќани од Европскиот парламент, наместо за европратениците, работеле за потребите на ФН.

Претресот, во присуство на Ле Пен, кој е почесен претседател и основач на ФН и беше, беше извршен по наредба на Обвинтелството од Париз, кое добило сознаија од европското тело задолжено за борба против злоупотребата на европските фондови ОЛАФ. Истражните органи ги проверувале и компјутерите на Жан-Мари Ле Пен.

Оваа не е прв претрес на канцелариите на Жан-Мари Ле Пен. Во ноември минатата година тие беа претесени во рамки на истрагата околу сомнежите за даночно затајување.