Хрватскиот премиер Пленковиќ во официјална посета на Македонија

Хрватскиот премиер Андреј Пленковиќ денеска ќе престојува во официјална посета на Македонија. 

Пленковиќ, кој ќе предводи делегација во која се високи владини претставници за економски прашања и за надворешни работи и членови на хрватскиот Сабор, ќе биде пречекан со највисоки државни и воени почести од страна на премиерот Димитар Ковачевски.

Веднаш по церемонијата на пречекот, предвидена е тет-а-тет средба на Ковачевски и Пленковиќ, по што ќе следуваат билатерални разговори на двете делегации. Во составот на македонската делегација на средбата ќе бидат и вицепремиерите за европски прашања и за економски прашања, координација на економските ресори и инвестиции, Бојан Маричиќ и Фатмир Битиќи, министерот за информатичко општество и администрација Азир Алиу и амбасадорот на Македонија во Хрватска, Милаим Фетаи.

Пленковиќ за време на официјалната посета ќе биде примен и од шефот на државата Стево Пендаровски, како и од собранискиот претседател Талат Џафери, а ќе се обрати и пред пратениците во Собранието.