И денеска штрајкови и протести во Франција
Штрајковите во рафинериите за нафта продолжуваат и денеска во Франција, а жителите ширум земјата протестираат затоа што се гневни на Владата, која го протурка предлогот за зголемување на старосната граница за државната пензија без гласање во Парламентот.
Како што пренесуваат странските агенции, широко распространетите немири, во комбинација со ѓубрето по улиците на Париз, ги поставија претседателот Емануел Макрон и француската Влада пред нивниот најголем предизвик од демонстрациите на Жолтите елеци во декември 2018 година.
„Повеќе од една третина од оперативниот персонал во нафтените рафинерии и магацини на Тотал Енерџис, на локации како Фејзин во југоисточна Франција и Нормандија на северот на земјата, стапија денеска во штрајк“, изјави портпаролот на компанијата.
Во меѓувреме продолжија и штрајковите на вработените во француските железници.
Уште еден собир е планиран за денеска подоцна во Париз.
Ново на Сител
-
Реал Мадрид е највредниот фудбалски клуб во светот
-
Вардар прв финалист во ракометниот Куп на Македонија
-
Неизвесен победникот на претседателските избори во Полска
-
Нормализиран сообраќајот на делницата Демир Капија – Смоквица
-
33-годишна жена загина, а шест лица се повредени во сообраќајка на автопатот Тетово-Гостивар
-
Во Појасот Газа за еден ден загинаа најмалку 60 луѓе, а 284 се повредени
-
Коњановски ја посети локацијата каде падна кран на градежен објект во Битола
-
ОЈО поведе постапка против скопјанец за семејно насилство кон партнерката и нејзината мајка