Израел ја нападна Газа по ракетирањето и покрај апелот за смирување на конфликтот
Израелската војска соопшти дека ја нападнала Газа во текот на ноќта, неколку часа откако пресретнала ракета истрелана од Газа и по апелите на САД да се смири ескалирачкото насилството во Израел и окупираниот Западен Брег.
Војската соопшти дека нејзините воздушни напади биле насочени кон локациите за производство на ракети и оружје што ги користи Хамас, исламистичката група која владее со блокираниот појас, како одговор на лансирањето ракета во средата.
Силни експлозии рано изутринава имаше во Газа додека предупредувачките сирени повторно се огласија во израелските области околу Појасот, предупредувајќи за нови ракетни истрели.
Хамас вчера не презеде одговорност за ракетата, ниту помалото движење Исламски џихад, поддржано од Иран, кое лансираше ракети врз Израел минатата недела.
Вооруженото крило на левичарскиот Демократски фронт за ослободување на Палестина соопшти дека рано изутринава истрелала ракетни плотуни кон Израел како одговор на воздушните напади и „систематската агресија“ врз палестинските затвореници во израелските затвори.
Размената на оган ја нагласи напнатоста меѓу Израел и Палестинците откако палестински напаѓач уби седум лица во близина на синагога во Источен Ерусалим, а во израелски напад врз бегалски камп на Западниот Брег, загинаа 10 Палестинци.
Американскиот државен секретар Антони Блинкен повика на смиреност по завршувањето на посетата на регионот завчера, во која ја потврди поддршката на Вашингтон за решение на деценискиот конфликт за двете држави.
Највисокиот американски дипломат за Блискиот исток, Барбара Лиф и американскиот специјален претставник за палестински прашања, Хади Амр, ќе ги продолжат разговорите за деескалацијата на тензиите.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот