УХМР: Стабилно време до крајот на неделава, магла наутро, преку ден сончево

По котлините утре наутро ќе има појава на магла или ниска облачност, а преку денот ќе биде сончево со мала до умерена облачност. Ќе дува слаб до умерен северозападен ветер. Кон крајот на денот облачноста ќе се зголемува.

Во Скопје претпладне со појава на магла, а преку денот сончево со умерена облачност. Минималната темпратура ќе биде -1, а максималната 11 степени.

И во текот на оваа седмица ќе се задржи претежно стабилно време со појава на магла по одделни котлини со променлив интензитет, освен утре попладне кога ќе има ветер со умерен интензитет што ќе предизвика преодно намалување на маглата.

В среда ќе има зголемена облачност и услови за локален слаб дожд.

До крајот на оваа недела минималната температура ќе биде во интервал од -3 до 6 степени, а максималната од осум до 15 степени.