Косовската полиција апелира за мирен протест во северно Косово
Косовската полиција повика денешниот протест во селото Рударе во северно Косово, организиран од локалните Срби кои поставија блокади на патиштата во тој дел од државата, да помине мирно и без инциденти, јави дописникот на МИА од Приштина.
Во денешното соопштение за јавноста се вели дека „залагањата за јакнење на јавниот ред и мир, нудењето безбедност за граѓаните и преземањето полициски мерки согласно ситуацијата и развојот на настаните на северот на државата, и натаму ќе останат примарни објективи и задачи на Полицијата на Косово“.
– Денеска на север од Митровица е најавено дека ќе се одржи протест/собир, поради што Полицијата на Косово, признавајќи го правото на јавни собири преку мирни протести, според службената должност се грижи за зачувување на јавниот ред и мир, како и за задачите одредени според Уставот на Република Косово, се вели во соопштението.
Полицијата предупредува на опасност од инциденти, како последица на дејствувањето на, како што вели „криминалните групи на северот на државата“
– Имајќи ги предвид околностите и кревката безбедносна ситуација создадена од криминалните групи на северот на државата и тенденциите за дестабилизација на ситуацијата, Полицијата на Косово ги повикува граѓаните да бидат внимателни, да протестираат на мирен начин и да не станат жртви на можните провокации, од било каква природа, се вели во соопштението.
Србите во Рударе денеска протестираат против изјавата на Курти, дадена во интервју за „Гардиан“, дека стравува оти при отсранувањето на барикадите може да има жртви, што според организаторите на протестот се толкува како најава на „истребување на српскиот народ во Косово“ и убивање на Србите на барикадите.
Ново на Сител
-
Прогласена вонредна состојба на грчкиот остров Хиос поради пожарите
-
Трамп: Никој да не ги зголемува цените на нафтата
-
Истрага за насилство против татко и неговите два сина, од кои едниот малолетен
-
Евакуација на четворица македонски државјани од Израел
-
ДУИ и ВЛЕН застанаа зад САД за Иран
-
Истрага за семејно насилство во Батинци – тешко повреден маж, вмешани татко, син и малолетник
-
САД издадоа предупредување до своите граѓани ширум светот за зголемена закана по нивната безбедност
-
Кривична против жители на Марена поради сомнеж дека краделе кабел за фотоволтаици за струја