Во собранието денес седници на две собраниски комисии

Во Собранието денеска седници ќе одржат комисиите за економски прашања и за надворешна политика.

На дневен ред на Комисијата за економски прашања е Предлог законот за изменување и дополнување на Законот за енергетска ефикасност, по скратена постапка.

Членовите на Комисијата за надворешна плитика, пак, ќе расправаат по Предлог законот за ратификација на Рамковната спогодба за финансиско партнерство помеѓу Европската комисија и Република Северна Македонија застапувана од Владата на Република Северна Македонија за посебните постапки за спроведување на финансиска помош од Унијата за Република Северна Македонија според Инструментот за претпристапна помош (ИПА III), како и Предлог законот за ратификација на Конвенцијата за договорите за избор на надлежен суд.

На оваа седница на комисијата треба да се разгледаат и Предлог законот за ратификација на Спогодбата меѓу Владата на Република Северна Македонија и Владата на Република Србија за основање Културно – информативни центри во Белград и во Скопје, како и Предлог законот за ратификација на Договорот помеѓу Владата на Република Северна Македонија и Владата на Република Косово за статусот на припадниците на Армијата на Република Северна Македонија и Безбедносните сили на Република Косово за време на нивното привремено стационирање на териториите на горенаведените држави.