Десет дена подготовки за дуелот со Букурешт

Ракометарките на ЖРК Вардар вчера постигнаа висока победа од 37:25 во дуелот со шведскиот тим Савехоф. Триумфот беше очекуван и со новите два бода и поразот на Букурешт во Унгарија (28:22) „вардарки“ се пробија на третото место на табелата во групата 2.

 

По дуелот тренерот на ЖРК Вардар Индира Кастратовиќ истакна:

- Со ова покажавме дека можеме и не смееме да застанеме тука. Имаме 10 дена за подготовка за следниот дуел и почнуваме да размислуваме за Букурешт. Едно е јасно дека Вардар може да игра, но проблемот е да го покаже своето вистинско лице со секој ривал и на секој терен. Треба вака да продолжиме и веќе на следниот натпревар во Букурешт одиме без бело знаме.

Следниот натпревар ЖРК Вардар го игра на 16.февруари во Букурешт против истоимената романска екипа што претставува и директен дуел за третото место во групата во овој момент.