ЛШ (жени): ЖРК Вардар без проблеми со Савехоф

Македонскиот женски ракометен првак ЖРК Вардар очекувано стигна до победа над шведскиот тим Савехоф и се проби на третото место на табелата во групата 2 од Лигата на шампионите. Попладнево во СЦ „Јане Сандански“ ракометарките на Вардар се радуваа на триумфот од 37:25 (19:10).

Резултатската равнотежа беше присутна само до 12.минута, кога резултатот последен пат беше изедначен 8:8, а потоа со серија од 6-0 „вардарки“ го најавија вискиот триумф. На полувремето македонскиот првак водеше со 19:10, а во вториот дел и на натпреварот највисоката предност Вардар ја имаше во 50.та минута (32:18).

Најефикасни кај ЖРК Вардар беа: Андреа Пенезиќ и Андреа Лекиќ со по 6 голови, додека Јулија Ериксон беше најефикасна со 7 голови. 

 

На вториот натпревар од групата Ѓер го совлада Букурешт со 28:22, а утре се игра дуелот Митјиланд – Будуќност.

Табела: Ѓер 11 бодови, Будуќност 9, ЖРК Вардар 8, Букурешт 7, Митјиланд 5, Савехоф 0.

 

ЖРК Вардар во следното коло ќе гостуваат на екипата на Букурешт.