Спасовски ги посети децата на загинатите бранители на Пониква

Децата на загинатите бранители од конфликтот во 2001 година и на припадниците на МВР кои лани ги дадоа своите животи за одбрана од теристичките напади во кумановско „Диво Насеље“ зимуваат во одмаралиштето на министерството за внатрешни работи на Пониква. Првиот човек на Здружението на бранители „Млади херои“, Владо Стојановски, вели дека досега институците секогаш им излегувале во пресрет на нивните барања. Овие деца не можат да водат бизнис од проста причина што растат со самохрани мајки, па затоа мора да бидат вработувани во администрацијата.

- Ни излегоа во пресрет во министерството за одбрана. Имаше 4 деца со завршен факултет да бидат примени. Три беа примени како палатеници. Значи досега немаме никакви опструкции – изјави Владо Стојановски, претседател на Здружението на бранители „Млади херои“

Заедно со децата на бранителите на обука се и припадниците на специјалната единица на МВР.

- Ако сите во државата сме горди на овие безбедносни сили, тогаш треба да имаат целата наша поддршка и тоа сакам да го истакнам посебно, затоа што секогаш се на браникот на слободата, безбедноста и сигурноста на граѓаните- изјави Оливер Спасовски, технички министер за внатрешни работи

Спасовски вети безрезервна поддршка од министерството и за децата на бранителите и нивните семејства.