Градоначалникот Касами на средба со амбасадорката на Хрватска

Градоначалникот на Тетово, Биљал Касами оствари средба со амбасадорката на Хрватска, Нивес Тигањ на која разговараа за актуелната политичка состојба. Тој ја информирал за избор на новиот состав на Советот и за работата ја очекува општината.

–Соработката и координацијата со меѓународната заедница е важна и за градот и за државата на европскиот пат. Ја информирав амбасадорката и за притисокот што ДУИ го врши врз локалната власт, особено сега после поразот на изборите за совет, информира градоначалникот Биљал Касами.

На средбата разговарале и за можна опозициска соработка, како и за хрватско-албанските односи и за можноста за продлабочување на билатералната соработка.

-Хрватска беше, е и ќе продолжи да биде наш главен пријателски партнер кон подобра иднина за двете земји, оцени Касами.