МВР предупредува на измами со крипто валути, како граѓаните да се заштитат?

Неинформираноста е најчеста причина за интернет измами, велат експертите. Нема т.н. „лесни пари“ и не постои брза заработка на вртоглави суми без ризик, тврдат познавачите.

Секторот за компјутерски криминал при МВР излезе со предупредување до граѓаните да бидат претпазливи поради зачестените измани преку интернет, каде непознати лица преку социјални мрежи или преку нивните приватни имејл адреси таргетираат македонски корисници и испраќаат линкови до веб страни и сервиси преку кои се ветува лесна заработка со исполнување на одредени задачи кои се доделуваат на дневно ниво од самиот сервис или апликација.

ИТ експертите велат дека за работи за класични измами.

МВР информира и дека сè повеќе граѓани инвестираат во криптовалути без соодветно познавање, па често се измамени од посредници, а загубите се бројат во илјадници евра. Експертите советуваат добро да се истражи пред да се донесе одлука за инвестиција.

Освен предупредувањето да не се наседнува на ветувања за нереално високи приходи за краток временски период, и експертите и МВР апелираат да не се даваат доверливи лични податоци на непознати лица и да не се отвараат сомнителни линкови и прикачени документи испратени преку електронска пошта од неверификувани испраќачи.