За брзо возење 204 санкции на територијата на цела држава

Во текот на вчерашниот ден во спроведената засилена акциска контрола на територијата на Република Северна Македонија за санкционирање на возила кои се движат со брзина поголема од дозволената, санкционирани се 204 возачи.

Од нив 16 возила се движеле со брзина над 50 километри на час повеќе од дозволеното, а две возила се движеле со дури над 70 километри на час. Од МВР информираат дека при тоа 77 возила ја пречекориле брзината во населено место, а 127 надвор од населено место.

Засилените акциски контроли продолжуваат и во наредните денови.