Во Белгија уапсени повеќе од 60 мигранти

Белгиската полиција денеска уапсила 62 мигранти во близина на брегот, од кои повеќето биле Иранци, информираа белгиските власти.

Властите соопштија дека нема да толерираат на нивна територија да се градат собирни центри, што можат да се споредат со кампот наречен „Џунгла“ во Кале, пренесуваат агенциите.

Повеќето уапсени мигранти се мажи, на возраст меѓу 20 и 30 години, од кои 10 отсто веќе биле апсени во претходни акции.

Во оваа операција биле мобилизирани шеесетина полицајци.

Околу 4.000 мигранти, повеќето дојдени од источна Африка, од Блискиот исток и од Авганистан, живеат во мигрантскиот камп наречен „Џунгла“ кај Кале, на северот на Франција.

Ви Белгија не постои ниту еден сличен камп, но, според белгискиот печат, неколку десетици мигранти, кои дошле од Кале, ја минале границата и влегле во Белгија.