Русија: Подготвени сме за примирје во Мариупол доколку украинските војници се предадат

Руското Министерство за одбрана соопшти дека е подготвено за хуманитарно примирје во фабриката за челик Азовстал во Мариупол, последното упориште на украинските сили во стратешки важниот пристанишен град, доколку војниците на Киев се предадат.

„Повторуваме дека Русија е подготвена во секој момент да воведе прекин на огнот и да прогласи хуманитарна пауза за евакуација на цивилното население“, соопшти Министерството за одбрана, додавајќи дека прекинот на огнот ќе започне со подигање на „бели знамиња“ од страна на украинските сили.