Симовски: Граѓаните сметале дека кога ќе кажат христијани се подразбира на што се мисли

Директорот на ДЗС Апостол Симовски во гостувањето во Тема на денот на Сител беше запрашан за бројката од 242.579 граѓани кои се изјасниле само како христијани и одговори дека како одговориле граѓаните така е запишан нивниот одговор.

-Попишувачот не смееше да се меша во одговорот на испитаникот. Им беше забрането да се мешаат и да сугерираат одговори. Како е даден одговорот, така се запишало. 240 илјади и кусур граѓани се изјасниле како христијани претпоставувам мислејќи дека се подразбира кога ќе кажат христијани на што се мисли меѓутоа ние мораме да го запишеме податокот прецизно, изјави Симовски.