Се запали Мерцедес во движење на регионалниот пат Гостивар-Дебар

 

Од полицијата за Курир велат дека пожарот избувнал од засега непознати причини додека се движел во правец кон Маврово, пред Бунец. Мерцедесот бил управуван од 60 годишниот Б.Ц. од Дебар, кој не е повреден.

 

Противпожарната единица веднаш се упатила на местото на несреќата, но возилото целосно изгорело.

Полициски екипи извршиле увид на местото на настанот, по што автомобилот бил отстранет од коловозот. Увидот треба да покаже кои се причините за избувнување на пожарот во моторот на автомобилот, но според неофицијални информации се работи за неисправна инсталација.