Турција ќе ги бојкотира мировните преговори за Сирија ако на нив учествуваат сириските Курди

Турција нема да учествува во мировните преговори за Сирија, кои се очекува да почнат во петок во Женева, доколку на нив учествуваат сириските Курди од партијата Демократски сојуз, предупреди турскиот шеф на дипломатијата Мевљут Чавушоглу, цитиран од француските медиуми.

-Доколку на преговорите е поканета партијата Демократски сојуз ние ќе ги бојкотираме, изјави Чавушоглу во интервју за турскиот телевизиски канал НТВ.

Чавушоглу потсети дека Анкара оваа партија ја смета за „терористичка организација“.