Османи: Граѓаните кои купуваат на руски бензински пумпи ја финансираат руската армија

Министерот за надворешни работи, Бујар Османи во емисијата КликПлус на ТВ21 ги коментираше долгите редици автомобили пред некои бензински пумпи. Османи вели дека не е надлежен за овој дел, но уште од состаноците на Владата разбрал дека редиците се предизвикани од шпекулации.

„Од моето присуство во Владата знам дека овие редици се создадени со шпекулации, бидејќи има доволно резерви на нафта“, рече меѓу другото Османи.

Османи вели дека граѓаните кои се снабдуваат со нафта од руски компании во земјава, индиректно ја финансираат руската армија.

„Мислам дека Русија, Руската Федерација, главно се финансира преку извори на енергија. Доминантните приходи на Руската Федерација се од готови енергетски ресурси. Секако дека со нивното купување се финансира руската армија, таму нема дилема“, нагласи Османи.

Шефот на македонската дипломатија рече дека во однос на гасот, земјата е 100 отсто зависна од Русија, а за другите горива главно се снабдува од Грција. Османи рече дека по конфликтот меѓу Русија и Украина, Европа се свртува кон јаглен и нуклеарна енергија и дека како резултат на тоа Македонија треба повторно да ја ревидира својата стратегија за енергетски ресурси.

„Ние сме зависни, зависни сме, цела Европа е зависна од руските енергетски ресурси. Потпирањето единствено на обновливите извори на енергија не е одржливо бидејќи тие не се константни, понекогаш имаат подобар аутпут, понекогаш имаат послаб аутпут. Имајте сончев ден, имајте повеќе струја. Сега гледам дека Европа се свртува кон јаглен и нуклеарна енергија. Северна Македонија секако треба да ја преадаптира својата долгорочна стратегија кон енергетските ресурси, изјави тој.

Засега нема основа рускиот амбасадор да се прогласи персона нон грата, по изјавата на руската амбасада дека „ги следи граѓаните и дека истражува присуство на русофобија“.

„Не е прекршување на тоа ниво да се прогласи персона нон грата амбасадорот“, вели меѓу другото Османи.