Директорката на „Љубен Лапе“ поднесе оставка: Проблемот со наставничката ја истроши мојата енергија

Една од главните теми овие денови во јавноста е изживувањето на наставничка од ОУ „Љубен Лапе“, во општина Аеродром.

Директорката на училиштето, Марјана Панчевска се повлече од функцијата поради тоа што овој проблем ја истрошил нејзината енергија.

– Од страна на училишето преземени се сите мерки за да се најде решение за проблемот. Веднаш беа разгледни пријавите кои родителите ги поднесоа до педагошко-психолошката служба, до мене како директорка и до советот на родители. Постапката се одвиваше по процедура, наставничката прво доби усна опомена, потоа писмена опомена и посета на часовите од страна на педагок. На крајот на првото полугодие беше повикан и советник од Бирото за развој на образование кој даде насока да продолжат советодавните посети на часовите. Консултиравме и просветен инспектор од Државниот просветен инспекторат, формиравме дисциплинска комисија која ќе ја преиспита фактичката и ќе одлучи дали е потребна дисциплинска мерка. Можно е да има и соочување, објаснува Панчевска за Слободен печат.

Директорката објаснува дека поднела оставка од лични причини, бидејќи вложила премногу енергија во решавањето на проблемот и не успеала да го реши.