Вардарци ќе имаат огромна поддршка од трибините во дуелот со АПОЕЛ

Вардарци утревечер ќе го дочекаат АПОЕЛ на „Филип Втори“ во обид со победа да го минат кипарскиот тим, и да се пласираат во 3-тото квалификациско коло за Лигата на шампиони.

 

Црвено-црните ќе имаат огромна поддршка од трибините, бидејќи според информациите досега се продадени 16 илјади влезници, а од пуштените во продажба остануваат уште 6.000, и тоа сите за централните (северна и јужна) трибини.

 

Западната трибина е резервирана за Комитите, додека на источната се очекуваат околу 200 навивачи на АПОЕЛ.

 

Во продажба освен билетите за северната и јужната трибина по цени од 100 денари има и ВИП-билети за ложата на северната трибина по цена од 500 денари, а истите ќе се продаваат на билетарата на „Филип Втори“ се до 20 часот односно почетокот на утрешниот меч.