Израел погоди цели во Појасот Газа

Израелската авијација бомбардира позиции на радикални организации во Појасот Газа, јави палестинската радиостаница Јужен Ал Акса.

Нападите се случиле на периферијата на градовите Кан Јунис и Беит Лахиа во јужните и северните делови на секторот. Испукани биле десетина 10 проектили.

Според радиостаницата, нападите ги извршиле борбени авиони и хеликоптери. Палестинските групи, пак, возвратиле со оган врз воздухопловните сили на еврејската држава.

Во меѓувреме, според катарската телевизија Ал Џезира, набљудувачките пунктови на Хамас во северните делови на Појасот Газа исто така биле под артилериски оган од Израел. Нема извештаи за жртви или материјална штета како резултат на гранатирањето.