Американскиот воен брод ќе остане во заливот Гвантанамо поради заразени лица од екипажот со Ковид-19

Американски воен брод го одложи своето распоредување во Јужна Америка поради појава на Ковид-19 меѓу лицата од екипажот, соопшти американската морнарица. Бродот „Милвоки“ ќе остане во базата во заливот Гвантанамо на Куба, каде застана на планиран престој.

Бродот се упатил на 14 декември од Мејпорт, Флорида кон регионот на Јужната американска команда. Морнарицата на САД соопшти дека „100 отсто од екипажот на бродот е имунизиран“ и дека сите кои се позитивни на тест на Ковид-19 се во изолиран дел од бродот. На бродот има нешто повеќе од 100 припадници на американските воени морнарички сили.