Пожар во кинеска стоковна куќа во Обреновац, едно лице се води како исчезнато

Во кинеската стоковна куќа во Обреновац денеска избувна пожар кој зафатил еден кат, а во гаснењето се ангажирани 55 пожарникари-спасувачи со 25 возила, соопштија од Министерството за внатрешни работи на Србија.

Како што јави дописникот на МИА од Белград, заменик-градоначалникот на Белград Горан Весиќ изјави дека се евакуирани четири околни згради, како и дека три жени се префрлени во Здравствениот дом во Обреновац за да добијат помош, но дека нивните повреди не се сериозни.

Едно лице се води како исчезнато, изјави за ТВ Н1 началникот на противпожарната единица.

Во гаснењето на пожарот се ангажирани припадници на противпожарни единици и спасувачките единици од Обреновац, Сурчин, Батајница, Железник, Кошутњак, Звездара и Земун.