И во Амстердам одржан протест против ковид мерките

Неколку илјади луѓе одржаа мирен протест во Амстердам против мерките воведени поради коронавирусот.

Протестот се случи еден ден по насилството на демонстрациите во Ротердам, каде беа уапсени повеќе од 50 лица, а неколку луѓе беа повредени.

Демонстрантите во Амстердам мирно прошетаа низ улиците на градот со силно полициско присуство, јавија локалните медиуми.

Минатата недела во Холандија беа воведени построги мерки против епидемијата на коронавирус, а една од нив е затворањето на угостителските објекти во 20 часот.