Марин Докузовски носител на листа на советници на СДСМ во Карпош
Поранешниот тренер на Работнички, МЗТ Скопје, Академик, Поло Трејд и Приштина, како и селектор на македонската репрезентација Марин Докузовски, ќе биде носител на листата на советници на партијата СДСМ во општината Карпош, на претстојните локални избори.
Трофејниот стручњак ќе биде адут на владејачката коалиција во општината која важи за „бастион“ на оваа партија, а во која за градоначалник е кандидиран Душко Весковски. Со оглед на тоа што е носител на листата, а и со неговата популарност, нема сомнение дека Докузовски ќе влезе во Советот на Карпош.
Во својата тренерска кариера која трае повеќе од три децении, Докузовски освои 11 национални титули од кои седум во Македонија (сите со Работнички), три во Бугарија (со Академик) и една во Косово (со Приштина) и шест купа од кои три во Македонија и три во Бугарија.
Влезот во политиката на Докузовски доаѓа на точн0 една деценија од најголемиот успех во историјата на македонскиот репрезентативен спорт. Тој беше селектор на кошаркарскиот национален тим на Европското првенство во Литванија, кога Македонија го освои четвртото место и за малку не дојде до медал.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера