Арсовски: Филипче и Заев под итно да си дадат оставки, а не да апсат граѓани кои мирно протестираат

На денешната прес конференција портпаролот Димче Арсовски беше запрашан за коментар во врска со оставките на Венко Филипче и Зоран Заев за горењето на модуларната болница во Тетово и сето она кое што се случи вчера на протестите.

„Наш коментар околу тоа е следниот, Венко Филипче и Зоран Заев наместо да си дадат оставки тие дефокусираат и апсат луѓе кои што мирно протестираа. Венко Филипче и Зоран Заев треба да си дадат веднаш оставка, за да може истрагата да се одвива непречено, да не влијаат. Наместо тоа, не треба да апсат граѓани кои што мирно протестираат, а со тоа и да дефокусираат од нивните оставки“, истакна Арсовски.

Арсовски додаде дека ВМРО-ДПМНЕ дава поддршка до граѓаните кои протестираат, бидејќи со право протестираат поради незадоволството од досегашната истрага која што се случува, односно која ја контролираат Венко Филипче и Зоран Заев.