Папа Франциск: Вакцинацијата е чин на љубов

Вакцинацијата против ковид-19 е „чин на љубов“, изјави денеска папата Франциск, повикувајќи ги верниците да се вакцинираат. „Вакцините даваат надеж дека пандемијата ќе заврши, но само ако се достапни за секого и ако работиме заедно“, рече поглаварот на Римокатоличката црква во видео пораката во која ја поддржа кампањата за промовирање на вакцинацијата.

„Да се биде вакциниран е чин на љубов, и придонесот за повеќето луѓе да бидат вакцинирани е чин на љубов. Љубов кон себе, љубов кон семејството и пријателите, љубов кон сите“, наведе 84-годишниот папа.