Болниците во Србија се полнат, од 1 август можни нови мерки
Епидемиологот и член на кризниот штаб, Предраг Кон, изјави денеска дека епидемиолошката состојба во Србија се влошува и дека веќе почнало полнење на болниците, како и зголемување на бројот на новозаболени.
-Бројот на оние кои се во болници е се уште мал во споредба со некој период порано, но тоа ќе се промени и ќе почне полнењето на болниците. Всушност, тоа веќе започна …не можеме да чекаме четирицифрени броеви со истите мерки што ги имаме сега, изјави Кон и најави дека на 1 август, кога се очекува седница на Кризниот штаб за борба против короната, ситуацијата ќе биде поинаква и најверојатно ќе бидат донесени нови мерки.
Тој истакна дека мерките против короната се уште се на сила и треба да се почитуваат, наведувајќи дека „искуството не значи ништо ако продолжиме да се однесуваме како да сме без искуство“.
-Ако не се вакцинираме, ќе мора да се бориме против овој вирус многу долго време. Невакцинацијата на младите ја продолжува директно оваа пандемија, оцени Кон.
Според него, кај помладите, особено кај жените, постои отпорност на вакцинација, „поради страв од сериозната заблуда дека вакцината може да влијае на можноста за раѓање“.
Тој исто така кажа дека етички е целосно неприфатливо здравствените работници да не се вакцинираат, не само заради себе, туку и заради потенцијална опасност за пациентите.
Популарно од Балкан
Ново на Сител
-
Тошковски: Човечкиот живот нема цена – МВР и Фондацијата „Фросина Кулакова“ заеднички ќе работат на поголема безбедност во сообраќајот
-
Идната недела ќе се знае кога ќе биде спроведена тендерската постапка за монтажните гаражи во Клиничкиот центар „Мајка Тереза“
-
Гаши: Односите со Ватикан се беспрекорни, клучни столбови на кои се темелат се Кирил и Методиј, како и Мајка Тереза
-
Министерство за транспорт: Поништена јавната набавка на електрични автобуси и електрични полначи
-
Ѓорѓиевски најавува трансформација на Скопје, експертите укажуваат - да се реафирмира културата на градот
-
Уапсен велешанец, пијан оштетувал паркирани автомобили
-
Избегната трагедија во Драчево: Зрно од огнено оружје погодило малолетник во училишен двор
-
Палау ја забрани употребата на креми за сончање со воведување такса од 100 долари по нејзина употреба
