Мексико потрошило 300 милиони долари за израелски шпионски софтвер
Главниот мексикански истражител против перење пари изјави дека официјални претставници во претходните влади од 2012 до 2018 година потрошиле 300 милиони долари државни пари за купување софтвер од израелската компанија за шпионирање НСО.
Се чини дека сметките за програми како што е шпионскиот софтвер „Пегаз“ вклучувале вишок пари кои можеби им биле исплаќани на поранешните државни службеници како поткуп.
Шефот на мексиканската единица за финансиско разузнавање, Сантијаго Нието, истакна дека информациите за тоа им биле дадени на обвинителите.
Нието нагласи дека износите и начинот на нивното плаќање укажуваат на корупција во владата во веќе сомнителната програма за прислушување телефони насочена кон новинари, активисти и опозициски личности, вклучувајќи го во тоа време и сегашниот мексикански претседател Андрес Мануел Лопез Обрадор и неговите соработници.
Лопез Обрадор ја презеде функцијата шеф на државата на 1 декември 2018 година и вети дека никогаш нема да користи шпионски софтвер.
Нието истакна дека не е откриена ниту една сомнителна трансакција во сегашната администрација.
Мексико имаше најдолга листа со околу 700 телефонски броеви, меѓу илјадниците кои клиентите на НСО ги избрале за потенцијален надзор.
Ново на Сител
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата