Американската Амбасада во Хавана ги предупреди Американците да избегнуваат делови од градот

Американската Амбасада во Хавана ги советува американските граѓани да избегнуваат посета на одредени области од главниот град, како и да не ги користат патиштата што водат до аеродромот поради протестите и немирите во Куба.

Амбасадата на САД во Хавана ги потсети сите граѓани на САД да избегнуваат секакви било демонстрации поради нивната непредвидлива природа. „Ги советуваме сите американски државни службеници во Хавана да го избегнуваат Плоштадот на револуцијата, реонот на Стара Хавана и до понеделник 19 јули 2021 да не патуваат кон аеродромот“, се вели во официјалното соопштение објавено на веб-страницата на американската дипломатска мисија на Куба.

Во меѓувреме, кубанското Министерство за внатрешни работи соопшти дека 36-годишен маж загинал во антивладиниот протест на периферијата на Хавана.

Во неделата избувнаа невидени демонстрации против еднопартискиот комунистички систем и се засилија вчера и завчера. Немирите беа проследени со бран апсења и обвинувања за полициска бруталност од меѓународни организации за човекови права.