Во Скопје 154 сообраќајни прекршоци, 46 за брзо возење

Во акциска контрола на полицијата од областа на сообраќајот изречени се 154 санкции на територија на Скопје од кои 46 за брзо возење и три за возење под дејство на алкохол.

Изречени се и 15 санкции за возење без возачка дозвола, пет за користење на мобилен телефон, 14 санкции за непрописно паркирање и три за нерегистрирани возила. Триесет и два прекршока се регистрирани и кај возачите на мотоцикли.

Министерството за внатрешни работи денеска соопшти дека контролата е направена во текот на вчерашниот ден и најави дека контролите ќе продолжат со цел да се зголеми безбедноста во сообраќајот.