Апасиев за американската црна листа: Здраво Кале, да се самопријавам, да не имате листа на чекање

Откако претседателот на САД Џо Бајден издаде декрет за земјите од Западниот Балкан со кој ќе се стават на американската црна листа сите поединци кои работат против клучните договори во регионот, лидерот на Левица Димитар Апасиев како што напиша, сам се пријавува на време на американската црна листа.

„Здраво Кале. Ај да се самопријавам со време, да не имате листа на чекање“, напиша Апасиев на својот фејсбук профил.

Декретот им дава овластување на сојузните власти да блокираат имот и да им забранат влез на сите лица за кои Вашингтон ќе процени дека работат на штета на клучните договори во регионот, вклучувајќи ги и Преспанскиот и Охридскиот договор.