20-годишна девојка загина во сообраќајка

Дваесетгодишна девојка загина во сообраќајна несреќа откако со автомобил излетала од патот.

Според информациите на МВР, несреќата се случила утринава околу 07.15 часот на автопатот Миладиновци – Штип, на место викано „Ерџелиски мост“.

С.М.(20) од село Кадрифаково, светиниколско, со „фолксваген поло“ изгубила контрола и излетала од патот.

Девојката со тешки телесни повреди била пренесена во Клиничката болница Штип каде починала. Увид на местото извршиле Јавен обвинител и екипа на ОВР Свети Николе.