СДСМ: Мицкоски нанесува штета на националните интереси
Христијан Мицкоски пласира тешки лаги во јавноста и ги поткопува нашите државни позиции секогаш кога државата се наоѓа во период кој е од важност за нашата европска интеграција, за нашата иднина.
Така беше и кон крајот на минатата година така е и денес.
Наместо да застане на страната на граѓаните, на страната на државните интереси, Мицкоски пласира груби лаги, манипулативни конструкции, шпекулации, си поигрува со чувствата на граѓаните, правејќи штета на процесите.
Во име на Мицкоски, Антонио Милошоски, докажаниот извор на лажни вести, осуден во Германија, против кого се водат предмети пред македонските судови, вчера пласираше невистини и тоа е доволен доказ за нивните нечесни намери.
Вистината е сосема различна. Изјавите на Милошоски кажани преку Мицкоски се апсолутно неточни.
За македонскиот јазик и идентитет ниту се разговарало, ниту ќе се разговара.
Само преку дијалог може да се дојде до решение. Неоспорлив факт е дека македонскиот јазик и идентитет не биле и никогаш нема да дозволиме да бидат на маса за преговори.
Нашиот став е јасен, разбран и поддржан од граѓаните, како и од пошироката меѓународна заедница.
Само Мицкоски се однесува деструктивно, само Мицкоски не дава поддршка.
Мицкоски се лаже ако мисли дека со рушење на државните позиции и минирање на дипломатските процеси ќе добие политички поени. Граѓаните не сакаат да се вратат назад во изолација, граѓаните сакаат напред.
Центар за комуникации на СДСМ
Ново на Сител
-
Се преврте туристички автобус во Турција, шест лица погинаа, а 25 се повредени
-
Без една рака со стап пробува да го бутне дронот, последниот момент од животот на Синвар | ВИДЕО
-
Силен земјотрес ноќеска ја погоди Грција
-
Претрес во Гевгелија, пронајдена дрога
-
Тошковски: За два дена разбиени две големи криминални групи
-
Меси не ја исклучува можноста за учество на СП во 2026 година
-
Со сослушување сведоци во Кривичен продолжува судењето за двојното убиство на Вања и Панче
-
Втор ден од министерскиот состанок на НАТО на кој учествува и министерот за одбрана Мисајловски