Царовска: Ноторна лага е бришењето на македонската нација од наставните програми
Информациите за бришење на македонската нација од наставните програми се уште еден од обидите за манипулација, рече министерката за образование и наука Мила Царовска во вечерното гостување на Сител телевизија.
„Секој оној којшто може да ја прочита програмата може да види дека секаде во програмата за четврто одделение стои македонски, македонска држава...така е и сега и сега постои во програмата и Македонци и македонска држава. Стои граѓаните да изградат идентитет на граѓани, дека припаѓаат на Република Северна Македонија“, рече Царовска.
Министерката вели дека со лаги и манипулации од опозициската ВМРО-ДПМНЕ во континуитет се обидуваат да пласираат дека оваа реформа е поврзана со чистење на македонскиот идентитет, со бугарското прашање.
„Тоа се ноторни лаги. Затоа што оваа реформа во образование е нужна и нема никаква врска со други прашања со соседите, или други прашања кои се поврзани со надворешна политика, туку единствено со подобрување на квалитетот на образованието и постигнување на подобри резултати кај нашите ученици.
Царовска потсети на последните пресметки на индексот на човечки капитал на Светска банка, и дека со вакви резултати не можеме да создаваме продуктивни граѓани.
Ние во последните пресметки сме екстремно ниско, што укажува дека само половина од нашите ученици кои денеска се во образование ќе ја постигнат продуктивноста којашто е очекувана, останатите нема да ја постигнат, а тоа укажува дека образованието нема да ги подготви да бидат продуктивни граѓани“, рече Царовска.
Министерство за образование и наука
Ново на Сител
-
Герасимовски: Поставивме 720 фотоволтаични панели на покривот на ООУ „Киро Глигоров“
-
Руско МНР: Најмалку 31 цивил е убиен во украинската офанзива врз рускиот Курски регион
-
Царината заплени облека, обувки, бижутерија, чанти, очила, рачни часовници, камагра, жилети, парфеми, техничка стока
-
Утре и во среда локални врнежи од дожд, потоа стабилно со пораст на температурите
-
Посебен режим на сообраќај во Скопје
-
ЕУ одвои уште над милијарда евра за справување со последиците од ланските поплави низ Европа
-
Познати најуспешните македонски компании за 2023 година во првите 10 категории на „Бизнис лидер“
-
Македонски државјанин фатен на граница откако предизвикал сообраќајка при обид да шверцува стока од Косово